Jugi Tapa

Sebuah Cerita Rakyat Yang Menceritakan Asal Muassal Kemukiman Sawang Kab Aceh Utara.

selamat membaca...

HIKAYAT JUGI TAPA

Dengan bismillah phon mulaan 
Ngen nama tuhan zat yg esa

Alhamdulillah pujo keu Tuhan
Seulawet sajan akan saidina

Lheh lon pujo nabi ngen Tuhan
Teuman oh lehnyan lon neuk meurika

Lon nek ji tuleh saboh hikayat
Kareuna trebthat ulon meuhawa

Haba Jugi lon meupeugah
Trep ka leupah lon denge haba

Bak masanyo kan lon teumee
Denge hai sampei bandum berata

Sang baroeken haba wayang
Nyo baro trang laon eu nyata

Oh ban lon teumeung laju lon surat
Haba that cakap peleng gura

Bahlee lon khen laju jino
Bek le lalo peugah haba

Amam ba’du nyo lon peugah
Haba ceudah jugi tapa

Asai jugi nyo lon peugah
A’lem leupah hana tara

Leube Muda nan geuseubot
Yoh masa cut sampo oh raya

Aneu murid Teungku Lhok Drien
Jeut keu malem hai saudara

A’lem chit that dgn gagah
That neugaseh lee gurunya

Bak si uro grak po tallah
Tgk neu peugah bak leube muda

Wahai aneuk tadenge kamo
Tajak jino siat gata

Tajak jok saboh kitap
Lon meu hajat hai aneuk nda

Bek ta buka aneuk meutuah
Nyo aanah u bak gata

Ubak tgk jambo haji
Bek meu ungki oleh gata

Tajok kitab takeumbali
Aneuk boh hate tawo sigra

Jak peureugi hai aneuk dro
Laju tawo tajak lanja

Ban lon wasiet bek ta ubah
Nyan amanah bek meutuka

Bek tabuka dengeun tangieng
Kitab nyan tapuwo lanja

Meunan neu wasit tgk lhok drien
Jieterimeung lee leu bee muda

Leubee muda seout nyohnyan
Hai jonjongan han lon buka

Ban nyu tgk han lon ubah
Kitab nyan sah lon puwao lanja

Han ulon lob dengan lon ngieng
Meunyo tan izin bak guru hamba

Leubee muda meunan ji khen
Beudoh yoh nyan laju bungka

Nyan keuh murid that neugaseh
Nan kameuceh leubee muda

E’leume lee that hana macam
Teungku neu sayang sie lagoina

E’leume lee that hana sakri
Ta keudi bri rabbana

Leubee muda beudoh laju
Bak khen tgk han meuriba

Beudoh lajo reud dlm glee
Uteun awe reud lam rimba

Pandum uro reud lam uteun
Geu blon ngen krueng urong rimba

Hana piyoh geujak sabe

Jambo haji sampo teuka

Trok bak tgk jambo haji

Saleum geubi laju sigra

Assalamualaikom tgk meutuah

Ulon neu suroh lee ulama

Tgk neu jaweub teuma laju

Meuno laku tgk kata

Alaikum salam aneuk muetuah

Katrok ta langkah ubak hamba

Puba hajat keuno ta angkah

Pu peurintah ta peugah sigra

Cit barokeun tan ta langkah

Pu peurintah salehnyoka

Leubee muda jaweub meuno

Suruh kamo tgk pendita

Saleum sideh lon ba keuno

Lom peu sampo bak syeh khona

Neunyo jak cok kitab saboh

Nyang rupa croh lee hareuga

Nyan jeut keu trok lontuan keuno

Geu yu jak joknyo kitab raya

Meunan tgk kheun bak kamo

Nyan jeut keno troh lon teuka

Tgk deunge meunan bago

Neu beudoh jino laju sigra

Nyoh nyan tgk neujok kitab

Neujok leugat keu leubee muda

Nyo pat kitab hai aneuk dro

Jak tapuwo jino sigra

Bek tabuka nyo kitab nyo

Jit tapuwo kwu pendita

Bek ta lop lop aneuk mutuwah

Nyo amanah u bak gata

Nyan keuh wasit nibak lon nyo

Kitapnyo tapuwo lanja

Kitabnyo tapuwo laju

Ubak tgk tajok sigra

Teulheh neu wasit uleh tgk

Sambot laju leubee muda

Ji cok kitab mat u jaro

Laju jiwo leubee muda

Sira ji jak kateupiukee

Dalam hatee ka meu riba

Pu keuh saba han geubie eue

Pu pereulu di dalamnya

Bak kuji eu dalam kitab

Kadang lee that sinan doa

Maunan leumah dalam hatee

Jibuka lee kitap raya

Leubee muda buka kitab

Habeh ji lop ji peunyata

Kabeuh mandum jeut ji haphai

Lam kitabnyan dum simua

Elemee hikmat kahabeh jeut

Khendak ma’bud Tuahan esa

Sira jiwo hafai laju

Wasiet tgk kaji lupa

Ka ji ubah wasit teungku

Ka ubah kheun ngen pendita

Chiet han geubi pehah peuhah

Kitab indah yg that raya

Sabab sinan leu hikeumat

Pu yang hajat trok ban pinta

Hikeumat lee dum di dalam

Macam macam jeut perupa

Leubee muda habeh ji pham

Lam kitabnyan dum peukara

Ka ji haphai sira ji jak

Trok ban kheundak leubee muda

Habeh ji eu’ dum sinaro

Sira jiwo haphai lanja

Di teungku ka neu teupu

Ka leuh ji eu’ kitab raya

Ka lheuh ji lop sira jiwo

Meunan bago tgk pandita

Leube muda haphai tajam

Sira berjalan hana reuda

Hana padum treb jiberjalan

Trok lee yoh nyan bak teumpat nyangka